CAGAYAN DE ORO CITY, Philippines – Luwas na sa makuyaw nga kahimtang ang aktress ug singer nga si Zsa Zsa Padilla human kini nagpa-opera sa Singapore.
Miangkon si Padilla nga gi-operahan ang iyang wala nga ureter tungod sa padayong pagdaku niini.
Mitug-an usab ang actress nga bata palang siya, daan na kini nagbaton sa mega ureter, kundiin ang iyang wala nga ureter masusama sa gidak-on sa sausage.
Base sa pagtoon kinahanglan ang agi-anan sa ihi sa tawo nipis lang ug dili mulapas sa 3 – 4 millimiters ang diametro.
Okay pa daw ang iyang tuo nga ureter, busa napugos kining magpaubos sa Laparoscopic surgery ug kasamtangan siya nga nagpaalim sa maong nasud.
