CAGAYAN DE ORO CITY – Gisaway ni Bukidnon 4th District Cong. Rogelio Neil Roque ang pagtubag ni incumbent Gov Jose Maria ‘Joe’ Zubiri sa walay hunong nga pagsaka sa COVID-19 diin daghang kinabuhi na ang apektado.
Kini human dili malahutayon ang gi-adaptar nga paagi ni Zubiri sama sa pagbaton sa kaugalingon isolation facilities batok pandemya apan short term response lamang.
Kini ang hinungdan nga midagan pagka-gobernador si Roque aron pun-an ang kakulangon sa mga Zubiri nga dugay nang midumala sa Bukidnon.
Samtang walay makapugong sa dugang pagpangalagad sa ‘surviving political kingpin’ nga si Bukdinon Gov Jose Maria Zubiri bisan kon wala na siya sa katungdananm.
Kini ang pasalig sa 81 anyos nga si Zubiri taliwala sa pagkadawat niini’g pagsaway gikan sa pipila ka dagkong pangalan sa mga politiko sa probinsya.
Miingon ang gobernador nga pagpamatood niini nga modagan siya pagka-kongresista sa ikatulong distrito samtang ang iyang anak nga si Cong. Manuel Zubiri ang magkontra usab ni Roque sa sunod tuig nga piliay.
