CAGAYAN DE ORO CITY – Kasub-anan ang nagpatigbabaw sa pamilya sa 21 anyos nga ulitawo sa lungsod sa Tagoloan,Misamis Oriental.
Kini human nahiagom sa dugu-ong disgrasya samtang nag-maneho sa gisakyang motorsiklo sa lugar.
Giila ni Tagoloan Police Station commander Police Capt.Ralph Rexson Layug ang biktima nga si Jan Lloyd Rabanes nga residente ning lalawigan.
Subay sa imbestigasyon,nahaigom sa pagka-disgrasya ang biktima samtang miagi tungod sa municipal dome sa lungsod.
Nasuta usab sa kapolisan nga nagsilbing zumba instructor ang biktima dinhi sa syudad ug lalawigan.
Pasidaan sa mga otoridad sa mga motorista nga kanunay maampingon sa ilang mga pagbiyahe aron kalikayan ang mga disgrasya sa kadalanan.
