CAGAYAN DE ORO CITY – Dakpan ang usa ka Patrolman nga nakadestino sa Pantar Ragat PNP sa Lanao del Norte, human nasapon sa PNP Checkpoint nga mibitbit sa pito ka pakete sa gitoohang shabu.
Giila ni Police Major Nelson Madiwo, hepe sa Marantao MPS ang dinakpan nga si Patrolman Alrajhi Londo Hadji Yasser, 34 anyos, ug ang iyang kauban nga si Sowaib Baraocor Boransing.
Si Major Madiwo miingon nga nasanta sa mga PNP Checkpoint sa Marantao Lanao del Sur ang duruha sakay sa usa ka kolor asul nga Toyota Revo, nga dunay plakang XAF 567.
Naaktuhang nagbibit sa shabu ug mga shabu paraphernalias ang mga suspek.
Narekober sa patrolman ang usa ka UZI pistol nga loaded sa mga bala.
Hisayran nga mi-aksyon pa’g u-turn ang suspek apan paspas kining nababagan sa mga operatiba.
Patung-patong nga kaso ang gipasaka batok sa duruha.
