CAGAYA DE ORO CITY-Nahatagan sa temporaryo nga kagawasan sa Derick Du human makapyansa sa kasong paglapas sa sec 7 ug 15 sa RA 9165 o Dangerous Drugs Act of 2002.
Matud ni PDEA agent Ben Calibre nga nasang-at na ang kaso ni Du kauban ni Alex Tagarao nga nag-atubang sa susamang kaso.
Upat na lamang ka personahe ang gibalhog sa ilang mini-cell.
Una niini, sa lima ka dinakpan sa PDEA si Atty Ben Jonhson Pabelic lamang ang misang-at sa petisyon nga tubagon ang kasong gipasaka kaniya sa PDEA-10.
Tungod niini, gitin-aw ni Calibre nga magpadayon ang inquest proceedings sa kasong gikalambigitan sa maong abogado ug ayha ra isang-at ang kaso kung ma-establishar ang probable cause.
Samtang gipasalig ni Chief City Prosecutor Merlynn Uy nga walay mahitabo nga pag-areglo sa kaso sa lima nga nag-atubang sa kasong pagbaligya ug paggamit sa gidiling droga sa syudad.
Kini ilabina nga kaila ni Uy si Pabelic kinsa kanhi usab clerk of court sa usa sa mga korte sa syudad.
Gitahasan ni Uy si City Prosecutor Jane Maria Sabio sa pag-resolbar sa kaso ni Pabelic,Douglas Galang,Richard Tejero ug Tagarao kinsa kanhi international dart player.
Gihimo ni Uy ang garantiya tungod sa isyu kaniadto nga may ”resolution for sale” sa ilang buhatan diin gilambigitan sa pipila sa city prosecutors.
