CAGAYAN DE ORO CITY -Napun-an pa ang kasub-anan sa Philippine National Police human laing usa pa ka pulis nga tipik grabeng samaron sa dugu-ong aksidente sa lungsod sa Naawan ning lalawigan ang mipanaw sa laing kalibutan kagahapong adlawa.
Kini tungod kay wala na maantos ang seryosong mga bun-og ug damyos nga naangkon sa lawas niini.Giila ni Police Regional Office 10 spokesperson Police Maj. Joann Navarro ang biktima nga si Police Staff Sgt Jomar Maramara nga usa sa mga imbestigador ubos sa Lanao del Norte Provincial Police Office.
Tungod niini,misaka pa sa napulo ka kinabuhi ang nakalas sa maong bangga tali sa cargo truck ug duha ka urban vans nga naglakip sa walo ka pulis,usa ka PNP retired personnel ug laing sibilyan.
Hisayrang miduaw pa si PNP chief General Rodolfo Azurin Jr sa mga biktima gumikan sa ka ngilngig nga hitabo.
