Patay ang 10 ka tawo, lakip ang suspected shooter, sa usa ka shooting incident sa Tumbler Ridge Secondary School ug sa usa ka balay sa Tumbler Ridge, British Columbia, Canada.
Sumala sa report sa Royal Canadian Mounted Police, 6 ka biktima ang namatay sa eskwelahan, aduna usab gidala sa balaytambalanan apan, nakutloan na kinig kinabuhi.
Kapin sa 25 ka tawo ang angol, uban sa pipila nga grabe ang kahimtang.
Tanang estudyante ug staff luwas nga naka-evacuate.
Gitapos na ang lockdown ug emergency alert, samtang padayon ang imbestigasyon aron masabtan ang motibo ug posibleng uban pang nalambigit. (Jane Abulag)
