CAGAYAN DE ORO CITY – Gikompirmar ni Armed Forces of Ukraine Commander-in-Chief General Oleksandr Syrskyi nga miabot na sa 45 kilometros ang pag-abante sa Ukrainian Security Services (SBU) sulod sa lungsod sa Sudzha, Kursk Region.
Sa labing unang higayon, milusad sa ‘televised attack’ ang tropa ni Ukrainian President Volodymyr Zelenskyy ug masaksihan ang ‘real time’ nga pag-atake sa abandonado nga lungsod.
Makita sa video ang pagtangtang sa mga sundalo sa bandila sa Russia sa ilang mga government offices ug nagkatag nga mga lawas sa mga namapatay nga sundalo sa Russia.
Sa walay pagduha-duha, gimando ni Zelenskyy nga ipalig-on ang ilang puwersa aron magmuntar sa ilang military command posts sa tanan komonidad nga ilang mailog.
Misaka pa sa kapin gatus ka mga sundalong Ruso ang ilang nasikop.
Ania ang pagbriefing ni Armed Forces of Ukraine Commander-in-Chief General Oleksandr Syrskyi kang Ukraine President Volodymyr Zelenskyy sa military offensive sa Kursk Region, Russia.
