Nagpabiling numero unong apektado sa impact sa climate change ang Pilipinas. Kini ang gisugilon ni Atty Angela Consuelo Ibay, National Director for Earth Hour PhilippineS. Miingon si Atty Ibay nga dili makalikay ang nasud sa mga muagi nga bagyo ug ang epekto nga dala tungod sa geographical location niini sa kalibutan. Busa ilang gidasig ang katawhan nga kanunay mupalangga sa kinaiyahan ug mutabang nga maminusan ang impact sa climate change. Gipamugos usab ni Ibay nga bisan adunay daghang mga ahensya nga gapanawagan sa pag-amping sa kinaiyahan, importante usab nga ma-aware ang katawhan sa iyang obligasyon sa kalibutan, lakip na ang gobyerno. Importante usab nga mapatuman ang mga programa nga muprotektar sa kinabuhi panahon kung muigo ang grabeng kalamidad nga magresulta sa tumang kadaut s amga komonidad, imprastraktura ug kinaiyahan.
