CAGAYAN DE ORO CITY – Obserbahan sa Department of Health (DoH) ang 18 ka tawo nga nahilo sa gikaon nga isdang butete sa Ozamis City, Misamis Occidental.
Miingon si DoH Assistant Reg Dir Dr Dave Mendoza nga dili angayang kaonon sa mga residente ang maong klase sa isda tungod kay ilado kini nga makahilo.
Siya miingon nga adunay mga nasud nga gihimong espesyalti ang butete apan kinahanglan nga makabalo sa pagluto niini.
Una nang nakasinati sa pagpanakit sa tiyan, pagkalipong ug pagsuka-suka ang mga residente nga mikaon sa gigat-ang butete diin lima kanila pulos mga bata.
