Mipasidaan si Atty. Nazir Ynawat, presidente sa Alliance of Advocates of Federalism in the Philippines, nga ang nagpadayong tensyon tali sa Israel, U.S., ug Iran mahimong mosangpot og krisis sa ekonomiya.
Giingon niya nga kung mosaka ang presyo sa lana sama sa oil embargo sa 1973, mosunod usab ang pagtaas sa transportasyon ug presyo sa palaliton.
Direktang maapektuhan ang katawhan, ilabi na sa pagkaon ug batakang panginahanglan, ug posibleng maapektuhan ang 2.4 milyon nga OFW sa Middle East.
Nanawagan siya sa gobyerno nga magpatuman og komprehensibong “all-of-government approach” aron mapanalipdan ang ekonomiya ug kahimtang sa mga OFW.
