Dili dautan ang paggamit sa artificial intelligence kon gamiton lamang kini isip giya sa paghunahuna ug dili ipuli sa mismong tawo nga nagtrabaho.
Mao kini ang gipasabot ni University of Science and Technology of Southern Philippines Student Government President Angel Janette Taglucop human gipunting nga ang tinuod nga katuyoan sa AI mao ang pagtabang sa data analysis, statistics, ug healthcare.
Obserbasyon sa student leader, ang maong teknolohiya gidisenyo aron mopagaan sa balik balik nga buluhaton ug dili aron manangtang og mga empleyado sa ilang panginabuhian.
Subling gipangayo ni Taglucop ang tin-aw nga regulasyon gikan sa gobyerno aron dili masayop ang paggamit sa maong inobasyon batok sa mga mamumuo











