I impound na sa kagamhanan sa Cagayan de Oro ug dili i release ang mga motorsiklo nga adunay saba nga tambutso hangtod dili ibalik sa tag iya ang stock muffler niini sa higayon nga mapasar ang giamendahang Traffic Code.

Pahibalo ni Roads and Traffic Administration Manager Doy Ramiro, isaka usab gikan sa 500 ug 1,000 pisos ngadto na sa 5,000 pisos ang multa ubos sa maong balaudnon nga giduso ni Councilor Eric Salcedo.

Gipasabot sa opisyal nga magpalit usab ang dakbayan og decibel meter aron adunay klaro nga sukdanan sa kasaba ug dili ma kwestyon sa korte ang pagpanakop sa mga malapason.

Naglaom si Ramiro nga mahuman na sa labing daling panahon ang maong ordinansa aron hingpit nang mapatuman ang mas bug at nga silot.