Nanawagan si kanhi Executive Secretary ug Hakbang ng Maisug Lead Convenor Atty. Vic Rodriguez ngadto sa gobyerno nga unahon ang pagsumpo sa korapsyon ug pagtarong sa panukalang 2027 National Budget aron masulbad ang tinuod nga suliran sa ekonomiya.
Gipunting ni Rodriguez nga nag atubang karon ang Pilipinas sa pagkahuyang sa balor sa piso, taas nga lebel sa kawalay trabaho, ug paghinay sa third quarter Gross Domestic Product growth ngadto sa 2.1 porsyento.
Gipasabot sa kanhi opisyal nga dili matago ang tinuod nga kahimtang sa ekonomiya tungod kay adunay kompleto nga datos ang mga langyawng lider sama ni United States President Donald Trump kabahin sa kahimtang sa nasud.
Gitataw ni Rodriguez nga mas maayong pokus sa administrasyon ang pundo sa katawhan ngadto sa mga programang makapalambo sa ekonomiya imbes sa mga garbosong paggasto










