Rep. Luistro questions VP Sara Duterte impeachment trial defense strategy on P817.87M unexplained wealth. Get the details on the ongoing proceedings.

Gikuwestiyon ni House lead prosecutor ug Batangas 2nd District Representative Gerville Luistro ang pamaagi sa pagdepensa o trial strategy sa kampo ni Vice President Sara Duterte sa impeachment trial.

Matud ni Luistro, wala direktang natubag sa depensa ang alegasyon bahin sa 817.87 milyon pesos nga unexplained wealth sa Bise Presidente.

Dugang pa ni Luistro, adunay duha ka posibleng hinungdan, mamahimong kulang sa katakus ang defense team o hilabihan kalisod nga panalipdan ang kaso.

Gikuwestiyon usab sa kongresista ang mga testigong gipresenta sa depensa tungod sa matud pa wala direktang gitubag sa ilang testimonya ang nag-unang alegasyon.

Una nang nagsumiter ang prosekusyon og mga rekord sa bangko, dokumento sa mga korporasyon ug pagsusi sa mga accountant isip ebidensya.

Sa kasamtangan, ang Article II nga bahin sa unexplained wealth na lamang ang nagpabiling hisgutanan sa impeachment trial human gibawi ang tulo pa ka ubang artikulo.

Nagpadayon usab ang pagsumite og mga ebidensya sa kampo sa Bise Presidente aron sumpuon ang mga alegasyon batok kaniya. (raniel mahunyag)