
Patay ang dili moubos sa upat ka tawo ug 35 ang naangol human miulbo ang sunog sa Hartha Power Station sa amihanan sa Basra, habagatang Iraq, alas-6 sa buntag niadtong Sabado, Nobyembre 21, 2026, sumala sa inisyal nga report sa mga otoridad.
Sumala sa Electricity Ministry sa Iraq, nalambigit sa insidente ang pagbuto sa usa ka gas pipeline nga nagsuplay sa planta, hinungdan nga mikatap ang kalayo ngadto sa mga silingang panimalay ug nakapahinabo sa mga samad tungod sa pagkasunog ug pagkahanggab sa aso sa mga residente.
Napugos sa pagpahunong sa operasyon ang planta nga adunay instaladong kapasidad nga 800 megawatts, samtang nakontrolar sa mga bombero sa Civil Defense ang maong sunog.
Gimando ni Iraqi Prime Minister Ali al-Zaidi ang dinaliang imbestigasyon aron matino ang hinungdan sa pagbuto ug ang mga responsable sa maong insidente. (raniel mahunyag)







