
Nagpagawas ang mga lider sa 21 ka miyembro nga ekonomiya sa Asia-Pacific Economic Cooperation (APEC) sa 2026 APEC Leaders’ Declaration sa pagtapos sa 33rd APEC Economic Leaders’ Meeting sa Shenzhen, China, nga gipangulohan ni Chinese President Xi Jinping.
Sa deklarasyon nga gipetsahan og Nobyembre 21, 2026, nagpahayag ang mga lider sa ilang panag-uban sa pagmintinar sa kalig-on sa ekonomiya, pagpalambo sa produktibidad ug pagpausbaw sa pagtubo sa ekonomiya alang sa kaayohan sa katawhan.
Gikumpirma usab nila ang ilang paningkamot sa pagpalalom sa integrasyon sa ekonomiya sa rehiyon sa Asia-Pacific pinaagi sa pamaagi nga gipangulohan sa merkado, lakip ang pagpadayon sa Free Trade Area of the Asia-Pacific (FTAAP) agenda.
Gilatid sa deklarasyon ang upat ka nag-unang natad sa kooperasyon nga naglakip sa pamatigayon ug pamuhunan, konektibidad, inobasyon ug pagtubo sa ekonomiya, samtang ang Viet Nam ang magsilbing sunod nga mangulo ug host sa APEC Economic Leaders’ Meeting sa 2027 nga ipahigayon sa Phu Quoc. (raniel mahunyag)








