
Nakadaog ang aktres nga si Marietta Subong, nga mas nailhan isip “Pokwang,” sa First Special Mention in Acting sa International Feature Film Competition sa ika-41 nga Mar del Plata International Film Festival sa Argentina alang sa iyang pag-arte sa pelikulang “2 Valid IDs.”
Gidayeg sa hurado ang iyang lawom ug makatawhanong pag-arte nga naghulagway sa pakigbisog sa usa ka tawo isip kalig-on ug gugma taliwala sa usa ka burukratiko ug dili patas nga kalibotan.
Ang maong pelikula gidirek ni Ma-an L. Asuncion-Dagñalan, ug nakadaog usab si Pokwang kaniadto og Best Actress in a Leading Role sa Cinemalaya Philippine Independent Film Festival, nga iyang gipaambit sa beteranang aktres nga si Ruby Ruiz.
Samtang, nagpadayon ang pagpasalida sa 2 Valid IDs sa mga sinehan sa nasud ug anaa na kini sa ikaunom nga semana sa pagpasalida.
Dugtong niini, milapas na usab sa 115 milyon pesos ang kinatibuk-ang kita niini sa takilya, sumala sa producer nga Super Entertainment. (raniel mahunyag)









