Prosekusyon gidepensahan ang paglambigit sa VP Sara Duterte tree-planting sa Cale88 Foods Corporation. Hibal-i ang detalye sa kontrobersiya ug tubag sa OVP. Basaha dinhi!

Dili matud pa angayang mahimong sensitibo ang kampo ni Vice President Sara Duterte sa mga pangutana bahin sa tree-planting activities sa Bise Presidente ug sa posibleng kalambigitan niini sa Cale88 Foods Corporation.

Mao kini ang tubag ni Lanao del Sur 1st District Representative ug prosecution spokesperson Zia Alonto Adiong sa gipagawas nga pahayag sa Office of the Vice President (OVP) nga misleading, malicious, ug walay factual basis ang pagsulay nga ikonekta ang tree-planting activities ni Duterte sa compliance requirement sa Cale88 sa Board of Investments (BOI).

Matud ni Adiong, kabahin sa katungdanan sa prosekusyon nga susihon ang tanang posibleng dunay kalabotang impormasyon aron mapadayag ang tibuok kamatuoran sa impeachment court ug sa katawhan.

Mahiumdoman nga sa ika-45 ka adlaw sa impeachment trial niadtong Nobyembre 20, gipakita ni private prosecutor Atty. Erwin Matib ang mga hulagway ni Duterte samtang nagtanom kini og mga kahoy ug gipangutana si Department of Trade and Industry Undersecretary Ceferino Rodolfo kung dunay kalabotan ang maong aktibidad sa reuirement sa BOI alang sa Cale88 nga magtanom og dili moubos sa 100 ka forest trees. (raniel mahunyag)