
Giaghat ni Senador Francis “Kiko” Pangilinan ang Department of Agriculture–Bureau of Plant Industry ug Philippine Statistics Authority nga himuong pinal ug ipatuman ang ilang Memorandum of Agreement sa gipahigayong pagdungog sa komite sa Senado kauban ang mga opisyal sa DA ug uban pang hingtungdang ahensya.
Dugay nang gireklamo sa mga lokal nga mag-uuma ang dungan nga pagbaha sa mga imported nga produkto sa agrikultura sama sa bugas ug sibuyas sa merkado, ilabi na sa panahon sa ting-ani nga maoy hinungdan sa pag-ubos sa farmgate price ug gaduot sa ila ngadto sa pagkalugi.
Pinaagi sa gidusong kasabutan, ibase sa DA-BPI ang pagpagawas og import permits sa aktuwal ug opisyal nga datos sa PSA bahin sa lokal nga ani ug suplay aron malikayan ang sobra ug dili tukma sa panahon nga importasyon. (raniel mahunyag)



