
Giputol sa Toronto Raptors ang ilang unom ka sunod-sunod nga kapildihan human niini gipildi ang Detroit Pistons, sa iskor nga 105-102, sa NBA Cup East Group A matchup niadtong Biyernes, Nobyembre 20, 2026.
Nakalabaw ang Toronto og kinatibuk-ang 14 ka puntos sa third quarter, apan nakahimo og pagbangon ang Detroit sa fourth quarter aron makigsangka sa katapusang mga minuto sa duwa.
Sa nahibiling 19.8 ka segundo, nakaiskor si Cade Cunningham og three-pointer aron ipalabaw ang Detroit, sa iskor nga 102-101, human una nga mahatagan og duha ka puntos nga bentaha ang Toronto pinaagi sa basket ni Jakob Poeltl.
Apan, mitubag si Scottie Barnes pinaagi sa driving lay up sa nahibiling 14 ka segundo aron ibalik ang bentaha sa Raptors, sa iskor 103-102.
Gidugang ni Immanuel Quickley ang duha ka free throws aron masiguro ang 105-102 nga kadaogan sa Toronto.
Nanguna si Barnes sa Raptors pinaagi sa 29 ka puntos, gisundan ni Allen Graves nga adunay 20 ka puntos ug Quickley nga adunay 18, samtang si Cunningham nakapuntos usab og 23 ug si Kevin Huerter kay nakatampo og 20 ka puntos alang sa Detroit. (raniel mahunyag)






