
Gipasiugda ni Senate President Sherwin Gatchalian nga dili gahinan og pundo ang mga proyekto sa Department of Public Works and Highways (DPWH) nga walay igong basehan o supporting documents.
Kini adunay kalabotan sa mas hugot nga pagsusi ug pagbantay sa Senado sa sugyot nga 2027 national budget.
Matud ni Gatchalian, kinahanglang magsumite ang DPWH og lima ka importanteng dokumento isip pagpamatuod nga gitun-an ug andam nang ipatuman ang mga proyektong gipangayoan og pundo, lakip niini ang feasibility study, resolusyon gikan sa Local Government Units (LGU), ug technical description sa proyekto.
Gihatagan usab og gibug-aton ni Gatchalian nga kung dili kompleto ang gikinahanglang dokumento kay wagtangon ang maong proyekto sa sugyot nga nasudnong badyet.
Dugang pa ni Gatchalian, mahimong pa gihapon unahon ang importanteng proyekto kung makompleto na sa DPWH ang mga gikinahanglan nga dokumento.
Dugtong niini, gikatakdang sugdan sa Senado ang plenary deliberations sa sugyot nga 2027 national budget sa Nobyembre 23. (raniel mahunyag)





