Gipasiugda ni United Nations Secretary-General António Guterres ang grabeng epekto sa krisis sa klima atol sa iyang pagbisita sa Banaue Rice Terraces sa Ifugao niadtong Nobyembre 18 hangtud 19, 2026.
Sa usa ka post sa social media, gipahayag ni Guterres nga ang epekto sa climate change mabati sa nagkalainlaing bahin sa kalibutan, lakip na sa maong makasaysayanong mga hagdan-hagdang humayan.
Giawhag usab niya ang dinaliang aksyon sa klima, lakip ang pagtapos sa pagsalig sa fossil fuels ug pagpadali sa pagbalhin ngadto sa renewable energy.
Ang Rice Terraces of the Philippine Cordilleras kay gilakip sa UNESCO World Heritage List niadtong tuig sa 1995 isip pag-ila sa talagsaong kultural ug pang-ekolohikal nga bili niini. (raniel mahunyag)





