Gipadayag ni Cagayan de Oro Chamber of Commerce and Industry Foundation President Engr. Almarico Brito ang kabalaka sa sektor sa negosyo samtang nagkaduol ang panahon sa kapaskuhan tungod sa padayon nga pagsaka sa presyo sa mga palaliton samtang nagpabilin ang sweldo sa mga trabahante.
Gibutyag ni Brito nga base sa datos sa Philippine Statistics Authority, miabot lamang sa kapin dos porsyento ang third quarter Gross Domestic Product sa nasud samtang misaka ngadto sa 7.2 porsyento ang inflation rate.
Gipasabot sa opisyal sa Oro Chamber nga walay exempted sa maong krisis, lakip na ang dakbayan sa Cagayan de Oro, tungod sa gyera sa Middle East, pagsaka sa presyo sa lana, ug pagkahuyang sa balor sa piso batok sa dolyar.
Tungod niini, matud ni Brito, naglaom ang business community nga maplastar na ang konkretong lakang sa gobyerno sa dili pa matapos ang tuig aron dili na mohagba pa ang kahimtang sa ekonomiya









