AJEX DAGITPA 10-2026 tests new AFP equipment like radar & missile systems. Learn how Philippine Army, Navy & Air Force integrate kinetic & strategic weapons.

Gipatin-aw ni Major General Oliver Maquiling, exercise director sa Armed Forces of the Philippines Joint Exercise (AJEX) Dagat, Langit at Lupa (DAGIT-PA) 10-2026, nga gitumong sa maong military exercise ang pagsulay ug paghiusa sa mga bag-ong kagamitan sa Armed Forces of the Philippines (AFP), lakip ang mga radar ug missile system.

Matud ni Maquiling, lakip sa mga nag-unang tumong niini ang pagsusi kon unsa ka epektibo nga magtinabangay ang mga kagamitan sa Philippine Army, Philippine Navy ug Philippine Air Force, ilabi na ang mga kinetic weapon system nga gitumong sa pagpugong sa posibleng pag-atake ug mga strategic weapon system nga adunay mas halapad nga gilay-on.

Gipatin-aw usab niya nga dili mahimong epektibo ang mga missile system kon walay radar nga makamatikod ug motino sa nahimutangan sa posibleng hulga, busa gisulayan usab ang pagkonektar sa mga radar ngadto sa FA-50 fighter jets, ngadto sa mga sistema sa Naval Defense Command ug sa mga kagamitan sa Army.

Dugang pa ni Maquiling, susihon usab sa AFP ang labing epektibong paagi sa pagtaod, pagdeploy ug pagbalhin sa mga bag-ong kagamitan ngadto sa mga lugar diin kini labing mapuslanon. (raniel mahunyag)