Nagpatabang na ang Roads and Traffic Administration sa Cagayan de Oro City Police Office alang sa pagpahigayon og random checkpoints sugod alas onse sa gabii batok sa mga saba nga motorsiklo ug drag racing samtang gihulat pa ang pagpasar sa giamendahang Traffic Code.
Matud ni RTA Manager Doy Ramiro, kasagarang manggawas ang mga badlungong motorista panahon sa kagabhion diin gawas sa saba nga tambutso, nagpahigayon usab ang uban og ilegal nga lumba sa kadalanan.
Giklaro sa opisyal nga tungod sa kalapad sa area of coverage sa kapulisan, gipili ang random nga oras sa pagpanakop aron mabantayan ang mga pasaway sa tibuok dakbayan.
Gipaneguro ni Ramiro nga mao kini ang dinaliang lakang sa ahensya samtang wala pa mahuman ang legal nga proseso sa mas bug at nga balaudnon.










