Giklaro ni People’s Constitutional Reform Initiative Convenor ug Lay Theologian Wilson Amad nga wala gitukod ang International Criminal Court alang sa pagpanalipod sa mga abusadong lider kondili alang sa katungod sa mga inosente ug gilupigan.
Reaksyon kini ni Amad sa mga lakang nila ni United States President Donald Trump, Russian President Vladimir Putin, ug Chinese President Xi Jinping nga paluyahon ug limitahan ang gahom sa maong internasyonal nga hukmanan.
Pasabot sa lay theologian, ang maong korte sa kalibutan mao ang dangpanan sa katawhan nga dili makakuha og hustisya sa kaugalingong nasod ug dili angay ipaubos sa prinsipyo nga “might is right”.
Dugang ni Amad, kinahanglan respetuhon ang tingog sa gagmay nga nasod tungod kay ang pagdiktar sa lihok sa kalibutan supak sa human dignity, kagawasan, ug kaayohan sa katawhan.











