Patay ang 19-ka pasahero human sa pagkahulog sa usa ka pampasaherong bus sa bangin ngadto sa Nepal.
Base sa inisyal nga imbestigasyon, gikan sa Pokhara paingon sa Katmandu ang bus sa dihang nawad-an sa kontrol ang drayber ug nahulog sa bangin nga 200-metros ang giladmon.
Nahitabo ang insidente duol sa Trishuli river sa Dhading District diin 44 ang sakay sa bus, 25 niini ang nasamdan ug usa ka 24-anyos nga turistang British national ang nalakip sa mga namatay.
Sa kasamtangan, padayon ang imbestigasyon sa mga awtoridad kabahin sa maong insidente. (Phillip Ariata)
