CAGAYAN DE ORO CITY – Gipangita sa rescue teams ang 2 anyos ug 4 anyos nga bata nga gitoohang nalumos epekto sa pagkaligo sa dagat sa Zone 4, Sitio Alo,Brgy Población,El Salvador City,Misamis Oriental kagahapon sa hapon.
Gibutyag ni El Salvador City CDRRMD head Teodulfo ‘Teddy’ Bombeo nga upat ka bata ang naligo sa kanal nga bahin sa dagat apan napadpad sila tungod sa paghapak sa kusog nga pagbalod.
Siya miingon nga tungod niini ang nag-edad 10 ug 14 anyos lamang ang naluwas nila apan missing ang laing duha.
Nabalaka si Bombeo nga hayan mo-resulta na sa dili maayong panghitabo sa duruha ang pabiling pagka-missing sukad sa hitabo.
Gihinaut niini nga sa pagpadayon nga pagpangita sa resue team,makit-an nga pulos buhi ang mga biktima.
