Bug-at kaayo ang problema sa Middle East ug apektado kaayo ang mga gagmay’nga nasud sama sa Pilipinas kay minus ang oil reserve ang gobyerno ug net importer sa lana.
Gumikan sa pagsaka sa presyo sa lana, nagmahal usa ang presyo sa lana sa Pilipinas, dungan sa hulga sa pagsaka sa presyo sa batakang palaliton.
Wala pay labot niini ang paghagba sa peso sa world market. Kini ang reaksiyon ni kanhi City Mayor Atty Oscar Moreno kundiin ang Pilipinas nakasinati sa “double whammy”.
Alang kang Moreno daku ang impact sa pagsaka sa presyo sa lana sa world market, ug ang parity rates sa pesos batok dolyar.
Kini nagpasabot nga mas mudako pa ang gasto sa nasud kung mag import sa lana kay dolyar man ang ibayad niini.
Nagtoo si Moreno nga bisan dili kontrolado sa gobyerno ang pagtumaw niining problema, aduna gihapoy mga solusyon aron maminus minusan ang gisagubang nga suliran sa nasud. Si Moreno miingon nga pipila sa nakitang mitigation measures nga gipatuman mao ang suspension sa excise tax, suspension sa Oil Deregulation Law, pagwagtang sa Value Added Tax ug pag apud sa ayuda sama sa cash assistance.
Sa pikas bahin, nasabtan usa ni Moreno ang pagbakwi ni Presidente Ferdinand Marcos sa fare hike kay “spiraling” ang epekto niini sa katilingban.
Una niini, miingon si Moreno nga dili pa masuta sa gobyerno kung mahuman na ba ang tensyon sa Middle East busa kalit kalit nga gibakwi ni Marcos ang implementasyon sa taas pasahe.
