(Update) CAGAYAN DE ORO CITY – Nagpabiling duha ka patay’ng lawas pa gihapon ang narekober sa retrieval team nga nangita sa lima ka tawo nga nalubong-buhi sa nahugnong yuta ug mga bato sa Sitio Mabuhay,Brgy San Luis,Malitbog,Bukidnon.
Kini bisan kon nagkatinabangay na ang local govt units sa Malitbog,provincial govt sa Bukidnon,lungsod sa Tagoloan,Misamis Oriental ug contractors aron ma-rekober ang mga biktima.
Miingon si Malitbog MDRRMO rescuer Jeryl de la Cruz nga gihaya na sa tagsa-tagsa ka pamilya ang patay’ng lawas nila ni Jordan Vincent Achas ug Angelita Labronal human sila mahaw-as sa magkalahing lokasyon sa landslide site ning semanaha.
Maoy padayong gipangita ang bana ni Angelita nga si Lucrecio Labronal ingon man kauban ni Anchas nga sila Nerio Talines ug Ruffy Simpruta nga pulos trabahante sa municipal govt sa Malitbog.
