CAGAYAN DE ORO CITY – Nawad-an sa mga pinuy-anan ang 20 ka pamilya sa sunog sa Purok 14, Poblacion, Initao Misamis Oriental.
Gibutyag ni Initao Municipal Disaster Risk Reduction and Management Office head Lyndon Dapanas miingon nga walo ka panimalay ang totally burned samtang pito ang partially damaged sa nahitabong sunog.
Nagsumikad ang pag-ulbo sa dakong kalayo sa panimalay ni Eddie Katipunan diin padayon pang giimbestigahan ang hinungdan sa sunog.
Mitala usab sa P200,000 ang damyos sa pagkasunog sa 15 ka panimalay diin ang mga apektadong pamilya ang temporaryong nagpasilong sa Municipal Evacuation Center sa maong lungsod.
