CAGAYAN DE ORO CITY – Wala maka-ikyas batok sa mga ulod o army worms ang 22 ka agricultural brgys ning syudad.
Kini human kompirmaha usab ni City Agriculturist Patrick Gonzales nga nasudlan gihapon sa mga ulod ang kamaisan ang mga mag-uuma sa dakbayan.
Siya miingon nga sa inisyal nga pakisusi sa ilang buhatan,anaa sa 350 ka mag-uuma ang apektado tungod sa pagdagsa sa mga ulod sa 355 ka ektarya nga plantasyon sa mais.
Mihimo na’g mga lakang ang crop section sa ilang buhatan aron tabangan ang mga apektadong mga mag-uuma.
Hisayrang unang nabaniug nga miatake ang army worms mga maisan sa syudad sa El Salvador ,Misamis Oriental sa miagi pang semana.
