Singlon sa Senado ang dakong distroso nga gama sa miagas nga lana gikan sa tulo ka barkong nabuslot ug nasagyad sa Bataan dihang miigo ang bagyo Carina sa Pilipinas niadtong Hulyo.
Si Senate Committee on Environment, Natural Resources and Climate Change Chairman Cynthia Villar namugos nga kinahanglan kasuhan ang mga responsabli sa oil spill.
Kini ilabina nga kapin libo ka mga mangingisda ang temporaryong nawad-an sa kinitaan sa kapin duha ka bulan nga pagkatap sa lana sa katubigang bahin sa probinsya.
Lakip sa pakasuhan ni Villar ang tag-iya ug operators sa MTKR Terranova, MV Mirola 1 ug MT Jason Bradley.
Sa gilusad ng pagdungog sa senado, igo ra misaad sila Region III Environmental Management Bureau Regional Director Martin Jose Despi, Philippine Coast Guard Commodore Arnaldo Lim ug Maritime Industry Authority (MARINA) Administrator Sonia Malaluan nga ipasaka ang kaso.
Apan wala pay klarong petsa kung kanus-a nila kini i-file sa korte.
Gusto ni Villar nga maayudahan ang mga apektadong mangingisda sa hitabo ug aron dili na kini masubli pa.(Bombo Anne Quileste).
