CAGAYAN DE ORO CITY -Pursigido kasuhan sa tulo sa daghang mga estudyanteng babaye ang pipila ka magtutudlo nga nagtanyag kanila’g giingong pakig-hilawas bugti sa pasado nga grado sa Tagoloan Community College o TCC sa Tagoloan,Misamis Oriental.
Kini human midangop na ang maong mga estudyante sa kapolisan diin gisaysay ang kon giunsa sila paghaylo aron lamang makabaton sa maayo nga grado sa ilang klase.
Miingon si Police Corporal Jacky Malagamba,head sa Women and Children Protection Desk o WCPD sa Tagoloan Police Station nga nakuhaan niya’g affidavit ang usa mga estudyante alang sa pagkaso.
Kabahin sa gilambigit sa maong kontrobersya si Dean of Student Affairs Dr Roger Anthony Gamale.
Hinoon,miatubang si TCC Vice President for Academic Affairs Dr Frederick Gomez sa Bombo Radyo apan nagbalibad magpahinabo sa kahinganan.
Namugos si Gomez nga mas maayo nga gilayong isaka sa piskalya ang reklamo kaysa iyagyag pa sa mga estudyante sa Bombo Radyo.
