CAGAYAN DE ORO CITY- Patay ang tulo ka tawo samtang 3 ang samaran sa pagbangga sa tulo ka sakyanan sa Purok 1, Brgy Kakay Irenabor ,Tubod,Lanao del Norte.
Giila ang mga namatay nga sila si Charlene Sumagang, usa ka magtutudlo, Samyang Montelan ug ang drayber sa motorsiklo nga si Aminolan Haji Latip.
Sumala ni Police Master Sgt Mark Dave Namuag,traffic investigator sa Tubod Police Station nga nahitabo ang karambola dihang nawad-an sa kontrol ang drayber sa usa ka Toyota Innova hinungdan nga mibangga sa motorsiklo ug sa laing sakyanan.
Dugang ni Namuag nga misibat ang drayber sa Toyota Innova hinungdan nga wala nila ma-detain apan may lead na sila kon kinsa ang kasuhan sa nahitabong aksidente.
