CAGAYAN DE ORO CITY – Gipasiguro ni City Mayor Rolando ‘Klarex’ Uy nga mahatagan sa igong seguridad ang ilusad nga peace rally sa dili moubos 30-mil ka sakop sa Iglesia Ni Cristo o INC sa syudad ugmang adlawa.
Kini human tugti sa mayor ang hangyo sa INC nga makahimo sa peaceful rally diin nagtumong sa ilang paghangyo kang Pres Bongbong Marcos ug Vice Pres Sara Duterte nga magkauli sa maayong kabubut-on.
Matud ni Janboy Actub,tigpamaba ni Uy nga andam na hinoon ang mga buhatan nga gitahasan sa city govt pag-asister sa dakong kalihukan sa INC.
Kabahin sa ipadayag sa INC nga supak sila nga ipalagpot sa puwesto si VP Sara samtang dili usab nila gusto nga malagpot sa katungdanan si Marcos.
Hisayrang usa ka nationwide peace rally ang buhatan sa INC nga manukad sa Quirino Grand Stand sa kauluhan padulong sa mga probinsya sama dinhi sa syudad.
