Nahatod na sa katapusang pahulayan ang mga patayng lawas sa upat ka biktima sa landslide sa Gabule Compound, Zone 1, Barangay Agusan sa syudad sa Iligan atol sa milabay nga bagyong Basyang.
Sumala ni Barangay Captain Andrew Melizza, ang 13-anyos nga si Rhea Love Saludo, pag-umangkon sa magtiayon nga biktima, nalubong na sa Bugo Memorial Homes sa miaging adlaw, diin nagpuyo ang iyang pamilya.
Samtang nadala na usab sa Maramag, Bukidnon, ang lawas sa magtiayon nga Paul Lariosa ug Ruffa Lariosa, ug sa ilang 11-month-old nga anak nga si Alliah Lariosa, ug nagpahulay na sa katapusang pahulayan.
Matod pa sa barangay, ang mga biktima parehong nakasinati sa makasubo ug trahedya nga insidente nga naguba ang ilang panimalay tungod sa bagyong Basyang sa Northern Mindanao.(James Oliver)
