CAGAYAN DE ORO CITY – Mag-atubang sa kasong pagsupak sa Comprehensive Dangerous Drugs Act of 2002 ang upat ka suspected pushers/users sulod sa nabungkag nga gitoohang suyupanan sa Macanhan,Brgy Carmen sa dakbayan.
Kini human gilusad sa Philippine Drug Enforcement Agency (PDEA 10) kuyog ang Philippine National Police ang buy bust operation batok sa targeted personalities sa lugar.
Namahayag si PDEA 10 regional director Atty. Benjamin Gaspi nga maoy nadakpan sa operasyon sila alyases Joe;Jon;Ninil ug Ron2x nga pulos legal ang mga edad ingon man tanan nagpuyo ning syudad.
Nabawi gikan sa mga dinakpan ang 5 gramos sa gitoohang shabu nga nagkantidad 34-mil pesos.
Detinado ang mga suspek sa mini-cell sa PDEA-10 office ning syudad.
