CAGAYAN DE ORO CITY – Naluwas sa hiniusang operasyon sa Australian Federal Police ug Regional Anti-Cybercrime Unit 10 ang upat ka minor de edad sulod sa suspected child phornographic den nga hilom gi-operate sa mag-inahan nga mga suspek sa Zone 4,Brgy Agusan ning syudad.
Matud ni Agusan Punong Brgy Andrew Emano Melliza nga nakurat sila sa maong kalihukan ilabina nga nanganhi pa’g tuyo ang Aussie police aron dakpon ang mag-inahan batok sa ilang kalihukang ilegal.
Siya miingon nga nagsumikad ang operasyon kay nasuta nga gipa-perform sa mga suspek ang mga biktima sa law-ay nga sundayag atubangan sa internet diin makita sa mga langyaw’ng kliyente.
Tungod niini, gikalipay ni Melliza ang nadiskobre,nabungkag,naluwas ang mga bata ug nadakpan ang nagpadagan sa kalihukang ilegal.
