Luwas nga nakabalik sa kalibutan ang upat ka mga astronaut gikan sa International Space Station (ISS).
Unang migawas sa spacecraft ang crew captain nga si NASA astronaut Mike Fincke nga gisundan ni Zena Cardman, Kimiya Yui gikan sa Japan ug cosmonaut Oleg Platonov.
Mahinumduman nga mupaubos sa usa ka bulan ang ilang pagpabilin sa ISS tungod sa seryosong isyu sa panglawas. Ang Crew-11 gihatagan dayon sa medikal nga atensyon isip standard procedure.
Niadto sila sa ISS niadtong Agosto 11 ug gilauman nga molungtad og standard nga unom ug tunga ka bulan nga pagpuyo diin sa Pebrero pa unta sila mopauli.
Sa pagkakaron, gipaubos na sa kontrol ni Russian cosmonaut Sergey Kud-Sverchkov ang ISS.
Hisayran nga kini pa ang unang higayon nga ang mga astronaut gipapahawa tungod sa isyu sa panglawas sukad sa pagtukod sa estasyon sa orbit sa kalibutan niadtong 1998.
