Pabiling wala pa’y nahuptang nga positibong impormasyon ang embahada sa Pilipinas nga nakabase sa Yangon kabahin sa kahimtang o lokasyon sa upat ka Pinoy workers nga apektado sa 7.7 magnitude nga linog sa miaging semana.
Kini human nagkagamay ang tsansa nga maluwas nga mga buhi ang maong mga Pinoy nga magpila ka adlaw nang gipangita sa nagkadaiyang rescue teams sa mga nahugnong istraktura epekto sa trahedya.
Miingon si Angelito Nayan,charge de affaires sa Philippine Embassy sa Yanggon nga kanunay ang ilang koordinasyon sa Myanmar military junta sa tinguha nga makakuha’g pinakaulahing impormasyon kabahin sa mga biktima.
Sa pagtay-og sa linog,dul-an 3-mil ka tawo ang kompirmadong patay, kapin 4-mil ang samaron,400 ang pabiling missing.
Hinoon,300 sa documented Filipino workers ang kompirmadong anaa sa luwas nga kahimtang.
