CAGAYAN DE ORO CITY – Negatibo ubos sa 4ID,Philippine Army ang unang gisulti sa PNP Directorate for Operations nga nagkakusog ang recruitment sa CPP-NPA sa mga tinun-an sa mga unibersidad ug state colleges sa nasud sugod 2014 hangtod ning tuiga.
Kini human isulti sa PNP atubangan sa senate hearing nga halos 170 ka tinun-an gikan sa ubay-ubay’ng mga tunghaan ang nadani sa nagkadaiyang student organizations aron mokuyog sa armadong kalihukan kontra gobierno.
Miingon si 4ID spokesperson Lt Col Francisco Garello Jr nga sobra kagamay ang numero nga gisampit sa PNP ug wala kini mihaom sa aktuwal nga kahimtang sa Northern Mindanao ug Caraga regions.
Hisayrang ang Normin-Caraga regions ang dunay lig-on pang puwersa pag-abot sa CPP-NPA itandi sa ubang bahin sa nasud.
