CAGAYAN DE ORO CITY – Gipaniguro ni 4ID,Philippine Army commander Brig Gen Michelle Anayron nga dili makapanghasi ang nabiling mga sakop sa CPP-NPA nga naglihok sa ilang hurisdiksyon sa Northern Mindanao sa May 12 elections.
Siya miingon nga misamot na paghuyang ang maong grupo ug nagkalig-on ang gipatuman nga seguridad sa mga lugar diin nasiplatan ang ilang mga presensya particular sa tulo ka probinsya sa rehiyon.
Siya miingon nga tungod sa pinakaulahing kamatayon sa lider sa CPP-NPA Northeastern Mindanao nga si Myrna Sularte alyas Ka Maria Malaya, misamot pa ang pagka-demoralize sa mga sakop niini nga kamulo gigukod sa mga sundalo sa kabukiran.
Si Sularte ang napatay sa 901st ug 401st Infantry Batallions troopers dihang miulbo ang tulo ka magkalahing engkuwentro sa Butuan City.
