Gipahibalo na sa industriya sa musika ang pormal nga rebranding sa Filipino girl group nga 4th Impact, diin opisyal na silang mailhan karon isip ‘4Sisters’.
Sumala sa grupo, ang maong lakang nagsumikad sa tinguha nga mas mapatigbabaw ang ilang tinuod nga pagkatawo isip managsuon ug ang ilang panaghiusa isip usa ka pamilya.
Mapasalamaton ang maong garbo sa Pilipinas sa ilang mga supporters, ug dako ang ilang kalipay nga ipadayon ang ilang karera bitbit kining bag-ong imahe.
Pinaagi sa maong rebranding, tinguha sa 4Sisters nga mas mapalig-on pa ang ilang koneksyon sa publiko samtang nagpabilin ang ilang tinguha isip managsoon diha sa pagmugna og musika.
Gilauman nga magdala og bag-ong kadasig ug mas presko nga tunada ang maong transisyon sa ilang mga umaabot nga proyekto sa kalibutan sa entertainment.
