CAGAYAN DE ORO CITY – Patay sa hiniusang operasyon sa kapolisan ug militar ang giingong mga sakop sa teroristang Dawlah Islamiya sa dugu-ong engkwuentro sa Brgy Bangco,Sultan Naga Dimaporo,Lanao del Norte.
Gipanguluhan sa Philippine National Police -Criminal Investigation and Detection Group (PNP-CIDG 9) nga gikuyugan sa Police Regional Office 10 units ug Philippine Army ang pagsilbi unta sa warrant of arrest batok sa mga armadong personalidad apan wala pa sila makaabot sa hideout gisugat na sa mga bala.
Kini ang rason nga mibalos usab ang tropa sa gobierno nga milungtad sa tunga sa oras nga engkuwentro nga nag-resulta sa kamatayon sa suspected DI members.
Gibutyag ni Philippine Army spokesperson Col. Louie Dema-ala nga giila ang usa sa mga namatay nga si Uya Dama alyas Lagbas nga taga-Malangas,Zamboanga Sibugay.
Namahayag si Dema-ala nga sa maong operasyon,walay tropa sa kagamhanan nga naangol o namatay.
Narekober sa posisyon sa mga namatay ang tag-tulo ka M-16 ug Garand rifles; 2 pistols;klase-klaseng magazines;2 granada ug assorted ammunitions.
