Gipamatay sa mga armadong grupo ang labaw sa 50-ka tawo ug nangidnap sa mga babaye ug kabatan-onan ngadto sa Tungan Dutse sa Zamfara State.
Matod sa mga awtoridad, nagsugod ang insidente Huwebes sa gabii ug mipadayon hangtod Biyernes sa buntag dihang miabot ang mga armadong lalaki sakay sa motorsiklo, diin gisunog nila ang mga kabalayan ug nangidnap sa mga residente.
Sumala sa militar sa Nigeria, nagpadayon ang hulga sa seguridad sa amihanang ug kasadpang bahin sa nasud, ug gi-kumpirmar nila ang pag-abot sa 100-ka sundalong Amerikano aron magtudlo sa lokal nga pwersa.
Subay usab sa mga report sa miaging semana, 46-ka tawo ang napatay sa Niger State, lakip na ang labing mabangtan nga insidente sa Konkoso diin 38-ka residente ang gipusil o gilitan ang liog
