CAGAYAN DE ORO CITY, Philippines – Misaka pa sa 572 ang ihap sa mga gun ban violators nga nasikop sa managlahing PNP ug Comelec Check points.
Gibutyag ni PNP Spokesperson Brig. Gen Jean Fajardo nga sa maong ihap 22 niini mga security guard nga nasapong gibiyahe ang ilang armas nga walay dokumento sa permit to carry ug permit to transport firearms.
Gawas niini, lakip nga gisikop gumikan sa gun violation ang usa ka aktibong police officer, upat ka miyembro sa Armed Forces of the Philippines (AFP), usa ka police agent gikan sa law enforcement agency, usa ka appointed government official, usa foreign national, ug kapin gatus ka mga sibilyan.
Musumada na sa 576 ka mga armas ang nakompiskar sa PNP kundiin ang pinakadaghan mga revolvers, pistola, ug gun replicas.
Subay sa Comelec Resolution No. 11067, ang gun ban kutob pa sa Hunyo 11, ning tuiga. Sa pikas bahin, mitala na sa usa ka kaso sa election related violence ang kapulisan didto sa kauluhan.
