CAGAYAN DE ORO CITY – Apektado ang 65 ka pamilya nunot sa pagkasunog sa 33 ka balay sa Hillside,Sta Cruz Dos,Brgy Lapasan ning syudad kagahapon sa hapon.
Miingon si Bureau of Fire Protetion -Lapasan commander SFO3 Rolando Aque nga kamulo pa nila nga gisuta kon unsay hinungdang sa pag-ulbo sa kalayo nga unang gika-taho nga nagsumikad sa balay ni Cornelio Mamugay ug paspas mikaylap sa mga silingan niini.
Gibutyag ni Aque nga hinoon walay natala nga residente nga samaron o nakalas sa sunod nga mitala sa structural damage nga balor 600-mil pesos.
Kini na ang ikatulong sunog nga natigayon sa syudad samtang gitamod ang pag-obserbar sa katawhan kontra trahedya sulod ning bulana.
Samtang gilayong gipahimutang sa covered court ang mga nasunugan samtang gitunulan sa mga pasiunang ayuda gikan sa mismong konseho sa brgy ug usab sa CSWD ning syudad ang mga biktima sa dakong sunog sa Brgy Lapasan ning syudad.
Gibutyag ni Maria Salome Agabe,team leader gikan sa CSWD nga kamulo pa ang ilang pag-assess sa personal damages sa kabtangan sa mga biktima sa sunog.
Namahayag kini nga hayan mosaka pa ang ihap sa mga pamilya nga apektado sa sunog samtang sila gipahimutang sa covered court sa maong bahin sa brgy.
Dugtong niini,pangitaan sa konseho sa brgy sa paagi nga maplastar pagbalik ang mga pamilya nga apektado sa dakong sunog diha sa Hillside,Sta Cruz Dose,Lapasan ning syudad.
Miingon si Lapasan Punong Brgy Julito Ogsimer nga lisod nga mapangitaan gilayon sa syudad sa relokasyon ang mga biktima hinungdan nga ibalik ra gihapon nila sila sa ilang luna nga gipuy-an.
Gibutyag ni Ogsimer nga may pondo ang brgy apan igo ra usab kini sa pagtubag sa ginagmay’ng panginahanglan sa mga apektado sa sunog.
