CAGAYAN DE ORO CITY, Philippines – Activated na ang siyam sa 11 ka mga EDCA Sites sa Pilipinas. Gikompirmar kini sa Armed Forces of the Philippines (AFP) human gimando ni Presidente Ferdinand Marcos Jr nga himoong temporary evacuation centers sa mga biktima sa Bagyong Kristine.
Namahayag si Army Colonel Francel Padilla, tigpamaba sa AFP nga buksan sa publiko ang ilang EDCA sites ug luwas kining puy-an alang sa mga sibilyan.
Kini pa ang unang higayon nga mapuslan ang na-ugbok nga mga base-militar sa EDCA sukad natukod kini 2016.
